Kirju libo kniigu on nivos bumuagoi, kudamis on painettuu tekstua libo kuvua. Kirjua voibi piästiä ilmah sežo sähköhizes formuatas sego iänikirjannu.

Sana kirju on enne merkinnyh čomendustu, kaiverdustu libo merkii, da kirjutus on tarkoittanuh nämmien luadimistu. Viego, sanommo, sobien čomendustu voibi kuččuo kirjakse. Samua pohjua on adjektiivu "kirjavu". Sežo sana kirjain on samua alguperiä. Sana kniigu tulou ven'an kirjua merkiččijäs книга (kniga) sanaspäi.

Enne kirjanpainanduneron keksindiä kirjoi kopiruittih käzin, da sendäh net oldih harvinazet da kallehet. Allukse kirjat oldih pitkiä nahkupalastu libo pergamentua, libo papirustu kiäritynny.