Sumskii Posad
Sumski Posad (ven. Сумский Посад, Сума, Сумский острог) on kylä Karjalan tazavallas Belomorskan piirin liidehes. Se on Sumposadan kyläkunnan haldivolline keskus. Kylä on histourien mustomerki.
Kylä
Ozuta/peitä kartoi
|
.svg)
Se sijoiččou Suman joven rannal 2 kilometrin piäs Vienanmerespäi.
Rahvahan lugumiäry kohenda
| 2009 | 2010 | 2013 |
|---|---|---|
| 966 | ↘718 | ↘662 |
Histourii kohenda
Kylän perustettih Novgorodan muuttolazet XV vuozisual. Tämä poselenii kuului Marfa Boreckajale (ven. Марфа Борецкая, Марфа-посадница). Vuvvennu 1452 Marfa Boreckaja andoi kylän Soloveckoi manasterile. Vuvvennu 1576 Livonien voinan aigua kylä hävitettih da poltettih. Vardoiččemizekse manasteri rakendi linnan kyläh. Vuvvennu 1613 Ruočin salduatat tuldih kyläh käzin, ga ei otettu sidä.
Vuvvennu 1838 kyläs avattih ammattiopisto, kudamas oli kaksi luokkua. Vuvves 1868 algajen täs ruadau merikulguluokku, kudai valmistau kuulužii kapitanoi, ezim., kylän eläjiä, kuulužua pol’arniekkua Vladimir Voroninua.
Arhitektuuran mustomerkit ollah Soloveckoin manasterin aittu (v. 1757), kaksikerrokselline kalanaittu (XIX vuozisuan toine puoli), taloi № 79 (XIX vuozisuan loppu).
XX vuozisuan 30-luvussah kyläs oli kivikirikkö (ven. Никольская церковь) (v. 1693), puukirikkö (ven. Успенская) da puukellojallat.
Vuvven 2005 kylmykuus miärättih kohtu da azetettih ristu, a vuvvennu 2013 nostettih puukirikkö Jelisei Sumskin mustokse, kudai oli Soloveckoi čuvvonluadii. Se on enzimäine da ainavo kirikkö hänen mustokse.
Kyläs on Nevvostoliiton da Suomen välizel voinal (1941 – 1944) tapettuloin Nevvostoliiton saldattoin kalmu.
Kuulužat ristikanzat kohenda
- Voronin V.I. on Nevvostoliiton kuulužu jiänmurendailaivaston pol’arnoi kapitanu.
- Durov I.M. (1894 – 1938) on etnogruaffu da kodialovehentiedäi.
- Svin’jin F.N. on kuulužu rahvahalline sanelii.