Sosnovets

Sosnovets (ven. Сосновец, suom. Sosnavitsa) on Karjalan tazavallan Belomorskan piirin pos’olku. Se on Sosnovetsan kyläkunnan haldivolline keskus.

Pos’olku Sosnovets ven. Сосновец Mua Ven'aVen'a Aloveh Karjalan tazavalduKarjalan tazavaldu Piiri Belomorskan piiri Koordinuatat 64°25′24″ p. l. 34°28′24″ pn. p.64.4235000° p. l. 34.4734000° pn. p. / 64.4235000; 34.4734000    Perustettu 1885 Rahvastu 1533 hengie Telefonan koudu 81437 Poštuindeksat 186530 Ozuta/peitä kartoi

Se sijoiččou Belomorskan-Baltiekan kanualal, 20 kilometrin piäs Belomorskaspäi.

Eläjien piäruadopaikannu on Belomorskan-Baltiekan kanualu. Pos’olkas on portu, raudutieazemu, laukat, pieni hoteli, kirikkö da poštu.

Pos’olkas ruadau ambulatourii, keskiškola, mečänhoidoala, kalankazvatuszavodu da laitos, kudai luadiu kivimurendehtu.

Histourii

Sosnovets tietäh vuvves 1885 algajen. Vuvvennu 1926 pos’olkas eli 12 hengie, kaikin oldih karjalazii.

Belomorskan-Baltiekan kanualan rakendamizen aigua v. 1931 – 1933 pos’olkas oli Gulagan luageri.

Vuvves 1953 algajen pos’olkas ruadau vezivoimalu (ven. Маткожненская ГЭС). Vuvvennu 1956 pos’olkas rubei ruadamah kalankazvatuszavodu, kudaman ruado on merilohen, järvilohen da muun kalan keinolluajittu kazvatus.

Histourien mustomerkit

Sosnovetsas on Suurel voinal tapettuloin Nevvostoliiton saldattoin kalmu.

2 kilometrin piäs pos’olkaspäi on Belomorskan-Baltiekan kanualan rakendajien kalmisto (1931 – 1933).

Rahvahan lugumiäry

1959	1970	1979	1989	1996	2009	2010	2013
3319	↘3064	↘2955	↘2696	↘2600	↘2030	↘1561	↘1533