Dessoilu

Dessoilu (suom. Jessoila, ven. Эссойла) on kylä Priäžän kanzallizes piiris Karjalan tazavallas Ven`al.

Pos'olku Dessoilu suom. Jessoila ven. Эссойла Mua Ven'aVen'a Koordinuatat 61°50′48″ p. l. 33°12′17″ pn. p.61.84672806° p. l. 33.20479611° pn. p. / 61.84672806; 33.20479611    Rahvastu ▼1 742 hengie (2013) Poštuindeksat 186137 Ozuta/peitä kartoi

Sijaindu

Dessoilu on sijoitunnuh Siämärven suvirannal. Dessoilaspäi oman piirin piäkyläh Priäžässäh on läs 50 kilometrii, Karjalan piälinnah Petroskoissah läs 70 kilometrii. Dessoilas poikki menöy raududorogu da ajotie A133 Petroskois Suojärveh.

Nimi

Kylän nimi on ottanuh alguperiä ristikanzan ortodoksizes nimes Jessoi, Dessoi (ven. Ефим), kudamah liittyy paikkua merkiččii juondeh -lu. On olemas toiziigi nimen sellityksii, ezim. tarin P`otr Suures, ga niilöil ei ole tiijollistu pohjua.

Rahvaslugu

Rahvahanluvun tiedoloin mugah vuvvennu 2013 Dessoilas on elänyh 1742¹ hengie, vrd. v. 2010³ oli 1790, v. 2009² - 2240 hengie.

Histourii

Alunperin Dessoilu oli ylen pienenny hierunnu, kudai kuului ezmäi Siämärven da sen jälles Ugmoilan prihodah. Kyläs oli pieni Pyhän Paraskevan časounu. Sen rinnal oli vahnu kalmisto. Vuonnu 1782 Dessoilas eli vai viizi suurdu perehty, kudamih kuului vähästy enämbi 50 hengie. V. 1926 kyläs oli jo 32 taloidu, a rahvahanlugu kazvoi 220:h. V.1924 Dessoilas tuli Petroskoin piirikunnan Siämärven voulostin piäkylä. V. 1959 Siämärven da Kungojärven kylänevvostoloin liitettyy ilmestyi Dessoilan kylänevvosto. XX vuozisuan loppupuolel Dessoilu on kazvanuh suureh pos`olkah yli 3000 eläjänke.

Kul'tuuru

Dessoilas on keskiškola. Kyläs on avattu opiston №14 ozasto, kus suajah omua ammattii svaršiekat, traktoristat dmi. Dessoilas kehitetäh da säilytetäh karjalan kieldy. Se on "Livvin keskuksen" piätehtävy.

Mustomerkit da nähtävykset

• Vuvvennu 1995 vahnal kalmistol on nostettu kumarrusristu, voinientoris da repressieloin aigua kuolluzien mustokse.
• Vuvvennu 1996 on rakendettu Pyhä Miikulan kirikkö⁴.
• Kyläs on äijy hyvin säilynytty karjalastu taloidu.
• 15 kilometrua pohjozeh päi Dessoilas on luonnonsuojelupaikku – Merisuo, sen pindu-ala on 487,4 gektuarua.

Viittehet

1. Численность населения в разрезе сельских населённых пунктов Республики Карелия по состоянию на 1 января 2013 года. Проверено 3 января 2015. Архивировано из первоисточника 3 января 2015.

2. Рекомендуемая нормативная сеть и формы библиотечного обслуживания с указанием численности населения на 1 января 2009 года по данным Карелиястата. Проверено 19 апреля 2015. Архивировано из первоисточника 19 апреля 2015.

3. Всероссийская перепись населения 2010 года. Сельские населённые пункты Республики Карелия

4. http://syamozero.ru