Zinaida Dubinina

Zinaida Timofejevna Dubinina (2. elokuudu 1934, Lumatjärvi, Karjalan tazavaldu - 24. pakkaskuudu 2022, Anuksenlinnu, Karjalan tazavaldu) on Karjalan tundiettu runoniekku, kirjuttai, kiändäi. Zinaida Dubinina on rodinuhes 2. elokuudu vuonnu 1934 Anuksen piirin Lumatjärven hierus.

Zinaida Dubinina
Ammatti:	писательница, поэтесса, переводчица
Rodivui:	2. elokuudu 1934(1934-08-02)
Roindukohtu:	Lumatjärvi, Kotkatjärven voulosti[d], Anuksen kanzalline piiri, Autonomous Karelian Soviet Socialist Republic[d], Venäjän sosialistinen federatiivinen neuvostotasavalta[d], Nevvostoliitto
kanzalližus:	Nevvostoliitto  Ven'a
Kuoli:	24. pakkaskuudu 2022(2022-01-24) (87 года)
Kuolendukohtu:	Anuksenlinnu, Karjalan tazavaldu, Ven'a

Zinaida Timofejevna kirjuttau runuo da prouzua livvikse. Hänen suurimii kiännösruadoloi ollah Biblii lapsile, Uuzi sana, Psaltiri da Kalevala-eepossu.

Zinaida Dubinina kazvoi karjalazes perehes. Hänen tuatto kuadui Suurel Ižänmuallizel voinal. Muamo lapsienke oli evakuacies Urualal. Voinan loppiettuu hyö tuldih järilleh Karjalah, vähäzen elettih Lumatjärves, sit tuldih elämäh Kotkatjärveh. Siepäi školan jälles Zinaida Dubinina lähti Petroskoile opastumah pedagouguopistoh. Opastundan jälles häi ruadoi algukluasoin opastajannu Uutjärven školas. Sit tuli ruadoh Kotkatjärveh, kus penziessäh opasti lapsii suomen da karjalan kieleh.

Vuonnu 1989 Oma Mua –lehteh oli painettu Zinaida Dubininan enzimäine runo livvikse.

Vuonnu 1991 Zinaida Timofejevna rubei ruadamah yhtes Biblien kiännösinstituutanke (Helsinki). Häi kiändi livvikse Uvven sanan, Psaltirin da Biblien lapsile. Täs ruavos Zinaida Dubinina sai palkindon Ven’an pravoslavnois kiriköspäi.

Vuvves 2006 Zinaida Dubinina kuuluu Ven’an kirjuttajien liittoh.

Vuonnu 2009 häi sai Vladimir Brendojevan nimizen literatuurupalkindon.