Sinikka Malmi on Karjalan Kanzallizen teatran artistoi. Häi ruadoi teatras läs 35 vuottu, ezitti kanzallizen, klassillizen, nevvostovallanaigazen da lapsien repertuarah kuulujua roulii.

Sinikka Malmi
Rodivui: 26. syvyskuudu 1930(1930-09-26) (93 года)

Rodivundu kohenda

Sinikka Malmi on rodivunnuh 26. syvyskuudu vuvvennu 1930 Kondupohjas. Sinikka Malmi on Helmi Malmin tytär.

Opastundu kohenda

Vuvvennu 1952 Sinikka Malmi piäzi opastumah tundiettuh Leningruadan teatran, muuzikan da kinematogruafien instituuttah. Hänenke yhtel kursal opastuttih moizet hyvin tundietut artistat kui Pauli Rinne, Pekka Mikšijev, Grigorii Godarev, Toivo Haimi, Villiam Hall, Viola Malmi, Jelena Kornilova da Erna Berg.

Ruado kohenda

Opastundan loppiettuu vuvvennu 1957 Sinikka Malmi otettih ruadoh Karjalan Kanzallizeh teatrah. Hänen ezmäine rouli teatran laval oli Ol’eg Lebedevan mugah luajitus Tuattoloin nuorus -ozutelmas. Jefimčikan roulis Sinikka ozutti omua iččie nerokkahannu artistannu.

Parahat Sinikka Malmin roulit oldih 1960-luvul. Net ozutelmat kuuluttih kanzallizeh repertuarah: Minna Kantan mugah luajitus Murdovarrastamine -ozutelmas häi ezitti Loviis Kristii, Teuvo Pakkalan mugah luajitus Tukkijovel-ozutelmas ezitti Annii. Myöhembi, 1970-luvun lopus samas Tukkijovel-ozutelmas Sinikka Mami ezitti jo Poro-Pirkon roulii.

Sinikka Malmil oli äijy roulii komeedielois. Teatras ruadajes Sinikka Malmi ezityi lapsien ozutelmisgi da suarnois, net hätkekse jiädih mustoh kaččojile.

Malmil oli kui piälimäzii, mugai sivurouliloi, joga hänen rouli oli lykykäs.