R'urik Lonin

R’urik Lonin (22.09.1930-17.07.2009) on tundiettu vepsäläine, Šoltarven muzein perustai, oman rahvahan kielen da kul’tuuran elävyttäi da kehittäi.

R'urik Lonin
Ammatti:	antropolougu, paikallishistorioitsija, kirjuttai, etnografi
Rodivui:	22. syvyskuudu 1930(1930-09-22)
Roindukohtu:	Oniegan rannikon piiri
kanzalližus:	Nevvostoliitto  Ven'a
Kuoli:	17. heinykuudu 2009(2009-07-17) (78 года)
Kuolendukohtu:	Šoutjärvi, Oniegan rannikon piiri, Karjalan tazavaldu, Ven'a

Eloksentaival

• Rodivui vepsäläzeh pereheh vepsäläzeh Kaskes-kyläh.
  
• Vuvvennu 1946 piäzi opastumah slesarikse.
  
• Vuvves 1948 rubei ruadamah Oniegan mašinoinrakenduszavodal.
  
• Vuvves 1956 ruadoi Šoltarves svarščiekannu.
  
• Vuvvennu 1980 tuli ruadoh Šoltarven muzeih. Hänen suurin ruado on vepsäläzien oman muzein perustandu. Tänäpäi Šoltarven muzeis on 8 500 eri vehkehty, niilöis 3 000 ollah Loninan kerätyt.
  
• Lonin oli enzimäzii, ken rubei opastamah vepsän kieldy, kirjuttamah omal kielel runuo da kirjutustu oman rahvahan ozas. Häi ei vai iče ruadanuh, häi ainos kehittigi rahvastu säilyttämäh omua kieldy. Häi sai rahvastu omah puoleh.
  
• Vuvves 1990 kirjutti Kodima-lehteh, hänen kirjutuksii painettih Karjalan ulgopuolelgi.
  
• Vuozinnu 1956-1993 Lonin keräi folklourua vepsäläzien kylis.
  
• Vuozinnu 1957–2001 mies kuuluu Šoltarven horah.
  
• Loninal on piästetty ilmah seiččie kniigua vepsäläzih nähte. Hänen kerätyt suarnat ollah otettu Vepsäläzen rahvahan suarnat -kogomukseh da Aberiloih.
  
• Vuvvennu 1993 Lonin sai Karjalan kul’tuurualan arvostettu ruadai -arvonimen.
  
• Vuvvennu 1995 Loninale annettih T. R’abininan medali Ven’an pohjazen kul’tuuran kehittämizes.
  
• Vuvvennu 2000 mies sai kanzoinvälizen Otkritoje obščestvo -instituutan palkindon.
  
• Joga vuottu sygyzyl vuvves 2010 algajen R’urik Loninan mustokse Šoltarves pietäh tiedokonferensiedu ”R’urik Loninan lugemizet”.