Periodika-julguamo

Periodika-julguamo on Karjalan tazavallan kansalliskielizii lehtilöi, žurnualoi da kirjoi ilmah piästäi laitos. Periodikan levon ual on viizi lehtilöin da žurnualoin toimitustu: Oma Mua, Karjalan Sanomat, Kodima, Kipinä da Carelia.

Julguamon johtai: Natalja Sinitskaja

PerustanduKohendele

Julguamo on perustettu vuvvennu 1991 kanzalliskielizien lehtilöin ilmah piästämizeh niškoi. Allus algajen julguamoh kuului kaksi kanzalliskielizien lehtilöin toimitustu Karjalan Sanomat da Oma Mua. Vuvven 1993 lopus “Periodikah” rubei kuulumah Carelia, vuvvenu 1994 – Kodima, vuvvennu 1995 – Kipinä. Vuvvennu 1995 kai karjalan, suomen da vepsänkielizet lehtet jo oldih yhten levon al.

Ruavon tarkoitusKohendele

Karjalan kandurahvahien kielien da kul’tuuroin kannattamine da kehittämine, lehtilöin alalline ilmah piäständy, kirjoin painandu. Johtajat Enzimäzenny Periodika-julguamon johtajannu oli Lidija Rämönen. Häi oli sit virras vuodessah 2013. Vuvven 2013 lopus da nygöi julguamon johtajannu on Aleksei Makarov.

HaldivoiččijatKohendele

Julguamon haldivoiččijoinnu ollah Karjalan tazavallan Zakonoinhyväksyndykerähmö, Halličus, Kanzallizen poliitiekan ministerstvu, Opastusministerstvu da yhteiskunnallizet yhtistykset.

Lehtet da žurnualatKohendele

Oma Mua-lehtiKohendele

Piäzöy ilmah joga nedälii karjalan kielel. Lehten perustandupäivy on 8. kezäkuudu 1990.

Karjalan Sanomat-lehtiKohendele

Piäzöy ilmah joga nedälii suomen kielel. Lehten perustandupäivy on 5. ligakuudu 1920.

Kodima-lehtiKohendele

Piäzöy ilmah joga nedälii vepsän da ven’an kielel. Lehten perustanduvuozi on 1993, sulakuu.

KipinäKohendele

Lapsien žurnualu karjalan, vepsän da suomen kielel. Piäzöy ilmah kerran kuus. Žurnualan perustanduvuozi on 1986, elokuu. Vuvvennu 2015 žurnualu on suannuh Sampo-palkindon.

Carelia-žurnualuKohendele

Piäzöy ilmah suomen kielel kaksi kerdua kuus. Ližäkse toimitus piästäy ilmah kaksi almanakkua vuvves: Taival – karjalan kielel, Verez Tullei – vepsän kielel. Lehten perustanduvuozi on 1928, kevätkuu.

Vuvves 2016 kai lehtet da žurnualat piästäh ilmah värillizinny.

Kirjoin julguanduKohendele

Vuvves 1998 Periodika vagavah ottihes kirjoin painandah. Julguamo on piästänyh ilmah enämbi 250 kirjua karjalan, vepsän, suomen da ven’an kielel. Niilöin joukos on kaunehliteratuuran kogomustu, opastuskirjua, sanakirjua, paginsanakirjua. Periodikan ilmah piästetty kirjua voibi tilata, ostua julguamon saital. Julguamol on internet-laukku.

PalkindotKohendele

Julguamo da lehtilöin toimitukset ollah monien palkindoloin da kunnivokirjazien suannuot, kui Karjalan tazavallan, mugai Ven’an muan tazol. Julguamon ilmah piästetyt kirjat alalleh puututah parahien kirjoin joukkoh Karjalan tazavallan Vuvven kirju -kilvas.

TiluanduKohendele

Periodikan lehtilöi da žurnualoi voibi tilata poštan kauti, julguamos iččenäh da julguamon saital: http://rkperiodika.ru/

Oma Mua da Karjalan Sanomat luajitah omien lehtilöin pdf-versiet. Tilata niidy voibi julguamon saital da toimituksih tulduu.

AdressiKohendele

185035, Ven’a, Karjalan tazavaldu, Petroskoi, Titovan piha, 3
E-mail: periodika@sampo.ru, periodika@rkperiodika.ru
tel./faksu (8142) 78-36-29, 78-30-12

Oma MuaKohendele

tel. +7 (8142) 78-05-10
omamua@mail.ru

Karjalan SanomatKohendele

tel. +7 (8142) 78-29-15
karjalansanomat@sampo.ru

KodimaKohendele

tel. +7 (8142) 78-27-33
vepskodima@mail.ru

CareliaKohendele

tel. +7 (8142) 78-47-32
carelia-lehti@ya.ru

KipinäKohendele

tel. +7 (8142) 78-32-84
kipina@rkperiodika.ru

LinkitKohendele

http://rkperiodika.ru/