Oyme

Oyme on ven’alaine muuzikkujoukko, kudai ezittäy perindöllisty suomelas-ugrilastu kul’tuurua sego Pohjas-Kavkuazan kanzoin fol’klourua. Muuzikkujoukko on perustettu vuvvennu 2011. Nygöi ”Oyme” soittau muuzikkua perindöllizeh sego world music – tabah. Ohjelmiston pohjannu on erzän da mokšan muuzikkufol’klouru, ližäkse naizet pajatetah šokšan rahvahan pajoloi. Joukon ohjelmistoh kuulutah rahvahan pajot, itkuvirret sego sävelmät erzän da mokšan omaperäzil soittimil.

Histourii

Vuvvennu 2018 ”Oyme” kävyi Maluazieh yhtymäh kogo muailmas kuulužah Rainforest World Music -festivualih. Vuvvennu 2019 muzikantat oldih Suomes, kus yhtyttih suureh kanzoinvälizeh WOMEX-muuzikkujarmankah.

Vuvvennu 2019 “Oyme” piäzi enzimäzele sijale Unsigned Only -kilvan World music -nominacies.

Vuvvennu 2020 mordvalazen muzikantan Serge Bulatan da Oyme-joukon yhtehine sävelmy nimel Yehy Vaya kilbaili amieriekkalazes Ima-palkindos Dance/Electronica -sarjas.

Oyme -muuzikkujoukkoh kuulujat:

Ježevika Spirkina – ohjuaju
Ježevika Spirkina, Larisa Zibkina, Ksenija Zobanova, Anastasija Kosova – pajattajat
Jelena Barskova -lyöndysoittimil soittai
Vladislav Oskolkov – viulul soittai
Dmitrii Simonov – bas-gituaral soittai
Valentin Osinskii - iäniohjuaju