Nikolai Rerih

Nikolai Rerih
Ammatti:	filosoufu, taidoilii, koreografi, kirjuttai, arkeologi, runoilii, diplomuattu, histourikku, löytöretkeilijä, lavastaja, puvustaja, suunnittelija, taidegraafikko, kuvittaja, muralist, mystikko, okkultisti, traveler
Rodivui:	27. syvyskuudu (9 ligakuudu) 1874
Roindukohtu:	Piiteri, Pietarin kuvernementti[d], Ven’an valdukundu[d]
kanzalližus:	Ven’an valdukundu[d]
Kuoli:	13. talvikuudu 1947(1947-12-13) (73 года)
Kuolendukohtu:	Naggar, Himachal Pradesh[d], Intian dominio[d] или Kullu[d], Intian dominio[d]
Tuatto:	Konstantin Roerich[d]
Muamo:	Maria Vasiljevna Rerich[d]
Ukko / akku:	Helena Roerich[d]
Lapset:	Svetoslav Roerich[d] и George de Roerich[d]
Nimikirjutus:

Nikolai Konstantinovič Rerih (27. syvyskuudu (9. sulakuudu) 1874, Piiteri – 13. talvikuudu 1947, Naggar, Himačal-Pradeš, Indii) oli ven’alaine taidomualuaju, teatrudekoratsieloin taidoilii, teosofu, kirjuttai, matkailii, arheolougu da kuulužu rahvaskundualan ruadai, Piiterin (Ven’an) taidoakadiemien akadiemiekku (1909).

Omassah ijän aloh Rerih piirusti läs 7000 kuvua, kudualois äijy nygöi on muailman kuulužimis gallerielois, da kirjutti läs 30 kniigua, kaksi runotevostugi. Häi oli Rerihan sobimuksen keksii da alguhpanii, monien rahvahienkeskizien kul’tuuruliikkehien alguhpanii, monien ven’alazien da vierahien palkindoloin kavaleru.

Ven’al eländän aigannu Rerih toimii muinažuontieduo, keräilemisty, hyvin pani nägevih omat kuvat ozutteluloil, otti ozua kirikkölöin projektoin luajindah da seinymualavuksih. Häi ruadoi johtajannu školas, kuduas kiiteltih taidoloi, oli Taijon muailmu taidoilijoin liiton piämiehenny, teatrudekoratsieloin taidoilijannu, puolisti da elvytti ven’alazii perindölöi , toimii hyvyönluajindua.

Vuvves 1917 algajen Rerih eli emigratsies. Häi järjesti matkat Keksi-Aazieh da Man’čžurijah da otti ozua niilöis. Rerih perusti enämbi kymmendy kul’tuuru- da opastuslaitostu erilazis mualois da Urusvati instituutan, kuduas tutkittih päivännouzukul’tuurua, luonduo da muudu. Rerih oli nainuh Elena Rerihas da heil oli kaksi poigua – Jurij da Sv’atoslav.

1920-luvus algajen on luajittu seuroi da muzieloi Rerihan kunnivokse . Hänen idejoin da Agni-jouga uskondo-filosoufien teourien noudajat perustetah Rerihan liikehty. Rerihan idejat ollah kovasti vaikutettu new agen kehittämizeh Ven’al.