Nightwish

Nightwish on suomelaine, sinfonistu metallua soittavu bändi. Se on perustettu vuvvennu 1996 Kiteel da on nygöi üks Suomen kannatettuloimbii joukkovehii. Tavan mugah bändin pajot säveldäy kosketinsoittai da johtofiguuru Tuomas Holopainen. Nightwish on piästänyh ilmah 8 al’bomua kudamii on myödy piäle 8 miljonua kappalehtu – al’bomoin nimet ollah Angels Fall First (1997), Oceanborn (1998), Wishmaster (2000), Century Child (2002), Once (2004), Dark Passion Play (2007), Imaginaerum (2011) da Endless Forms Most Beautiful (2015). Joukkovehen nygöizet jäzenet ollah kosketinsoittai Tuomas Holopainen, gituaristu Emppu Vuorinen, basistu Marco Hietala, pajattai Floor Jansen, barabuanii Kai Hahto dai säkkipillin soittai da pajattai Troy Donockley. Bändin endizii jäzenii ollah pajattajat Tarja Turunen da Anette Olzon, basistu Sami Vänskä dai barabuanii Jukka Nevalainen.

Nightwish
Perustamizen paivymiäry	heinykuu 1996
Pseudonyymi	Nachtwasser, Natuvissyset, Sushi Patrol, Rubber Band of Wolves и Nevski & The Prospects
Työskentelyajan alku
Diskografia	Nightwishin diskografia[d]
Perustamizen kohtu	Kitee
Lajityyppi	sinfoninen metalli[d] и power metal[d]
Levymerkki	Spinefarm Records[d], Nuclear Blast[d], Roadrunner Records[d], Century Media Records[d] и Drakkar Entertainment[d]
Alkuperämaa	Suomi
Palkindot	ECHO Pop[d] MTV Europe Music Award for Best Finnish Act[d] (2008) Suomen musiikin kunniagalleria[d] (2018) vuoden yhtyeen Emma-palkinto[d] Muuvi[d]
Virralline kodisivu	nightwish.com nightwishshop.com nightwish.com/en
Luokka jäsenille	Luokka:Nightwishin jäsenet[d]
Sosiaalisen median seuraajat	303 710 и 1 440 000±9 999
Mediafailat Wikiskluavul

Historii

Nightwish kerävyi ezmäzen kerran Kiteel vuvvennu 1996. Kai algoi Tuomas Holopaizen ajatuksespäi yhtistiä kosketinsoittimet, akustine gituaru da Tarja Turuzen ouperuluaduine iäni. Vuvven 1997 allus barabuanii Jukka Nevalainen liittüi bändih da akustine gituaru korvattih elektro-gituaral. Vuvvennu 1997 joukkoveh soitti kasietale bändin ezmäzen al’boman Angels Fall First da se piästettih ilmah saman vuvven külmükuus. Täl staadiel bändis oli 5 hengie da gastroliimuzikantunnu bassua soitti Samppa Hirvonen. Joukkovehen kannatus nouzi jogahizel al’bomal da se algoi gastroliiruiččie ümbäri muailmua. Vuvvennu 1998 bassua tuli soittamah Sami Vänskä kudai oli bändis vuoteh 2002 suate, hänen jälgeh bassua tuli soittamah Marco Hietala. Pajattai Tarja Turunen tüöttih iäre bändis vuvvennu 2005 muailman gastrolimatkun jälgeh da eroitus nostatti äijän paginua meediis Suomes da ümbäri muailmua. Turuzen jälgeh pajattaikse vallittih ruoččilaine Anette Olzon, ga müös häi lähti joukkovehespäi vuvvennu 2012. Barabuanii Jukka Nevalainen jätti bändin väliaigazesti vuvven 2014 kezäl uniprobliemoin täh. Uuzimmal al’bomal barabuanoi soittau Kai Hahto.

Nygyhetki

Nygöi kylmykuun 2015 lopus Nightwish gastroliroiččou ymbäri muailmua enzimäzikse Jeuropas da jatkau sen jälgeh Amerikkah, Australiah da Ven’äle. Uuzin al’bom piästettih ilmah kevätkuus 2015 da sit on jo nygöi myöty ylen äijän. Bändin konsertu Angliin Wembley –areenan konsertuzualus talvikuus 2015 müötih loppuh, zualah syndyy läs 12 500 hengie.

Stuudiial'bomat

• Angels Fall First (1997)
• Oceanborn (1998)
• Wishmaster (2000)
• Century Child (2002)
• Once (2004)
• Dark Passion Play (2007)
• Imaginaerum (2011)
• Endless Forms Most Beautiful (2015)
• Human. :||: Nature. (2020)