Muumi-kruušku

Muumi-kruuškat ollah suomelazen dizainuyritys Arabian valmistettui da suomelazen kuvataidoilii Tove Slotten pluaniiruttui keruamikkukruuškii, kudamis on kuvii Muumi-sarjukoomiksoin da -kniigoin figuurois. Enzimäzet Muumi-astiet luajittih 1950-luvul, da nygöizien Muumi-kruuškien valmistamine allettih vuvvennu 1990. Muumi-kruuškat kuulutah Arabian Muumit-serviizah.

Muumi-kruuškis olijat kuvat oldih allussah suomenruoččalaizien taidoilijoin Tove da Lars Janssonan piirrettylöi. Tove Jansson oli Muumiloin luadii da Lars hänen velli, kudamanke häi luadi Muumi-sarjukoomiksoi. Tove Slotte on tävvendännyh Janssonien piirrettylöi Muumi-kuvii da luadinuh net kruuških pättävikse.

Teema-sarjan Muumi-kruuškat

Muumi-kruuškat ollah yhtemmuodohizii muodoilii Kaj Franckan pluaniirutun Teema-sarjan kruuškanke, kudamah syndyy 3 detsilitrua. Uuzii Muumi-kruuškii tulou joga vuozi 1–2 kappalehtu. Vuozittajen piästäh ilmah sežo rastavu- da kezäsezonkruuškat, kudamii on laukois vaiku tietyn aijan.

1950-luvul suate on pluaniiruttu erilaizii kruuškii 80 mallii, a 81 erilastu kruuškua. Ero selgenöy sil, gu vuvvennu 2014 valmistetus kruuškas “Toven pruazniekku” (suom. “Toven juhla”) luajittih kaksi erilastu versiedy: tavalline da kruušku, kudamas on syväinpuolel kuva očkis. Kruušku tunnetah “Očkakruuškannu” (suom. “Rillimuki”), da se on aiga harvinaine. Miäräs on sežo otettu huomavoh vuozinnu 1992–1997 valmistetut “Muumityttöine-” da “Muumibrihaččuine” -kruuškat (suom. “Muumityttö” da “Muumipoika”), kudamat ollah sigäli spetsial´noit, gu net ei olla Teema-serviizan kruuškien vai lapsienserviizan kruuškien suuruttu.

Muumi-kruuškat ollah suvaittuloi keräilytavaroi. Harvinazien keräilykruuškien arvo voibi olla monii sadoi libo daže tuhanzii jeuroloi. Erähis keräilyharvinazuksis on maksettu internettuavissuonilois vie enämbigi. Vuvvennu 2013 eräs Muumi-kruušku myödih Suomes 10 000 jeurol. Enimyölleh kruuškan arvuo nostetah valmistamizen loppemine libo valmistuspartii, kudai on olluh pienembi gu normal´noisti.

Arabia on valmistannuh 90-luvul suate seiččie Muumi-lapsienserviizua, kudamih kuulutah kruušku, torielku da aijembah sežo luzikku. Näihin kuulujii kruuškii keräilijät ei enimyölleh pietä alallizinnu Muumi-kruuškinnu, hos sežo lapsienkruuškil yksittäjen on keräilyarvuo.