Miihkali Perttunen
Mihaila (Miihkali) Arhipanpoigu Ivanov-Perttunen (syvystalvel 1815 — 3. syvyskuudu 1899) oli tundiettu runonpajattai. Händy tietäh sežo nimel Miihkali Arhippainen.
| Miihkali Perttunen | |
|---|---|
 | |
| Ammatti: | kansanlaulaja, runonlaulaja |
| Rodivui: | 1810-е[1] |
| Roindukohtu: | |
| kanzalližus: | |
| Kuoli: | 3. syvyskuudu 1899[1] |
| Kuolendukohtu: | |
| Tuatto: | Arhippa Perttunen |
Miihkali Perttunen, Vienan Karjalan sluavakkahan runonpajattajan Arhippa Perttuzen poigu, oli roinnuhes kirikönkniigoin mugah Valtasenvaaran Arhipan talois, Latvajärven kyläs, Vuokkiniemen piiris vuonnu 1815. Ei ole tarkah sellitetty, mi oli hänen tovelline roinduaigu, perindöllizen vienalazen tavan mugah verotuksellizien syylöin periä voidih ilmoittua lapsen viäry roinduaigu.
Miihkali oli sogei, sendäh gi händy kučuttih Sogie-Miihkalikse. Händy pajatutettih äijät ristikanzat — sego runonkeriäjät mugai matkumiehet, sanottih, gu Miihkali hyvälmielel pajatti jogahizele kuundelijale.
Miihkalin akan Palakan sizär Okahvie Mäkeläinen oli sežo hyvä runonpajattai. Miihkalilpäi runontaido siirdyi Anni Tenisovale.
Jovensuun Ilosuares, Karjalantaloin ies on Miihkali Arhippaizen mustopačas, kuduan on vestänyh Alpo Sailo (pystytetty vuonnu 1973) I.K.Inhan fotokuvan pohjal.
Vuonnu 1991 Arhippa Perttuzen fondu pystytti Vuokkiniemele aijemban mustopaččahan koupien.