Leonhard Euler

Leonhard Euler (15. sulakuudu 1707 – 7.(18.) syvyskuudu 1783) oli švetsuarielaine, germuanielaine da ven’alaine matemuatiekku da mehaniekku, kudai luadi ylen suuren ruavon nämmien tiedoaloin kehittämizekse. Häi tutki myös fiziekkua, tiähtientieduo da toizii tiedoaloi. Euler on enämbi migu 850 tiedoruadoloin kirjuttai, niilöin joukos on kaksikymmen perinpohjastu da perustehellistu monogriefiedu. Euleran tutkimukset koskietah matemuatiekan anualizua, differentsiualugeometriedu, numerualoin teouriedu, lähimiäräzii lugemizii, ilmumehaniekkua, matemuattistu fiziekkua, optiekkua, ballistiekkua, laivoinrakendamistu, muuzikan teouriedu da toizii aloi. Häi syvästi tutki liečetieduo, hiimiedy, kazvitieduo, ilmassovvandua, muuzikan teouriedu, äijii jevroupan da muinazii kielii. Euler oli Piiterin, Berlinan, Torinan, Lissabonan da Bazelin tiedoakadeemieloin akadiemiekku, Pariižan Tiedoakadeemien ulgomualaine ozanottai.

Leonhard Euler
Ammatti:	matematikku, fizikku, yliopisto-opettaja, kirjuttai, musiikkiteoreetikko, tähtitieteilijä, tiedomies, keksijä, yritysjohtaja, maantieteilijä
Rodivui:	15. sulakuudu 1707(1707-04-15)
Roindukohtu:	Basel[d], Baselin kantoni[d], Sveitsin vanha valaliitto[d]
kanzalližus:	Sveitsin vanha valaliitto[d]  Ven’an valdukundu[d]  Preussin kuningaskunta[d]
Kuoli:	18. syvyskuudu 1783(1783-09-18) (76 года)
Kuolendukohtu:	Piiteri, Ven’an valdukundu[d]
Tuatto:	Paul III Euler[d]
Muamo:	Marguerite Brucker[d]
Ukko / akku:	Salomea Abigail Euler[d] и Katharina Euler[d]
Lapset:	Johann Euler[d], Christoph Euler[d] и Carl Euler[d]
Nimikirjutus:

Leonhard Euler

Vähimilleh puolen elokses Euler eli Ven’al, kus luadi arvokkahan panoksen ven’alazen tiijon perustamizeh. Vuvvennu 1726 händy kučuttih ruadamah Piiterih, kunne häi muutti vuvven peräs. Vuozinnu 1726-1741, myös vuvves 1766 algajen häi oli Piiterin Tiedoakadeemien akadiemiekannu. Vuvven Ven’al olduu häi jo hyvin maltoi ven’an kieldy da erähii omii kirjutuksii (semmite opastuskniigoi) julgai ven’akse. Enzimäzet ven’alazet akadiemiekat-matemuatiekat (S. Kotel’nikov) da tiähtientiijustelijat (S. Rumovskii) oldih Euleran opastujat. Hänen jälgelästy vie tässäh eläy Ven’al.