LaulUni

LaulUni on uinotuspajozien disku Karjalan kandurahvahien kielil - karjalan da vepsän kielel. Se piästettih ilmah vuvvennu 2016 kahten suuren yhtistyksen vuoh: Suomes ruadajan Karjalan Sivistysseuran da Karjalan tazavallan Kanzallizien kul’tuuroin keskuksen.

Failu:LaulUni.jpg

LaulUnes on uinotuspajostu karjalan da vepsän kielel

Diskan syväindö

LaulUni-sana rodieu kahtes karjalankielizes sanas laulu (livvikse pajo) da uni. ”LaulUnes” on yksitostu uinotuspajostu karjalan da vepsän kielel. Net ollah eriluaduzet. On vahnua pajua, kudamii enne pajatettih karjalazet da vepsäläzet. On uuttu piädykauti diskah niškoi kirjutettuu. Sih ruadoh Kanzallizien kul’tuuroin keskuksen ruadajat kučuttih Karjalan pajattajii da soittajii.

Pajatandutaba

Joga pajos nägyy oma taba pajatandas da soitandas. Diskalpäi kuuluu folk, rock, räp, world music, electronic, džaz. Se on mieldykiinnittäi da ainavoluaduine.

Pajattamas ollah Santtu Karhu, Ondrei, Arto Rinne, Tatjana Peron’, Ilmu, Noid, Skylark, Elayga da Istoki, Olemba, Cadeu, Karjalaiset kuutomalla.

Perindölline karjalaine uinotuspajoine

Tule, uni, uksen tuakse

Bai lastu, bai piendy,

Baju pikkarastu.

Tule, uni, uinottamah,

Piendy lastu magaittamah.

Bai lastu, bai piendy,

Baju pikkarastu.

Tule, uni, uinottamah,

Piendy lastu magaittamah,

Pienen lapsen pieluksih,

Suuren lapsen suuruksih.

Älägo tule kuttine,

Älägo tule kažine.

Muamo lastu liikuttau,

Armahastu uinottau.

Baju muaman lindustu,

Baju muaman kuldastu.