L’ošan päivy
L’ošan päivy on karjalankieline kirju lapsile. Kirjan kirjuttajinnu ollah Ol’ga Muhorova da Irina Semakova. Kirju nägi päivänvalgien vuvvennu 2011 da sen ilmahpiästäjänny on Periodika-julguamo.
Kirjan luadijat kohenda
”L’ošan päivy” on lapsile tarkoitettu kirju. Kirjas on kanzalliskielizen TV:n da Oma Mua -lehten toimittajan Ol’ga Muhorovan (Ognevan) kaksitostu runuo karjalan kielel. Joga runon vieres ollah noutat, ku lapset ei vai lugiettas runoloi, ga vie pajatettas niilöi. Muuzikan runoloih kirjutti muuzikan tutkii, folkloristu, Karjalan tazavallan taidoalan arvostettu ruadai Irina Semakova.
Kirjan syväindö kohenda
Kai runot ollah L’oša-brihaččuzes, hänen päivyruadolois da mielis. L’osal ollah omat dovarišat: pehmei kodii Mikki, kisit Poigen da Kitti, koiru Mutti, lindu Keldurindu, lehmy N’etkoi.
Joga lapsen päivy algavuu havačuttuu da lopeh muaman uinotuspajozeh. Nenga on L’ošan päivy -kirjasgi.