Kuari-vedovoimalline plotin

Kuari-vedovoimalline plotin (ven. Арочно-гравитационная плотина) on betonas, raudubetonas libo kives luajitun plotinan laji, kudai yhtistäy ices vedovoimallizen da kuaren plotinoin ominažuksii yhteh aigah, muga sit se on muutoslaji.

Sajano-Šušinskajan vezivoimalu

Kuvailendat

Sen lajin vezitehniekan azundan lujandan varustamizeh näh käytetäh azundan painuo da rakendehen kuarellistu geometriedu, kudai jagau muutosseinien gruuzindua, sen periä tämän lajin plotinat ollah luotettavambi migu kuarillizet plotinat. Puaksuh kuari-vedovoimallistu plotinua nostetah kohtah kan’jonalazen muanpinnanke, kuduas perusseiniennu ollah kierdäjät kallivot. Puaksuh nämmien plotinoin järevys on nenga sadua metrin alukses da 10-30 metrin harjas. Tämän kuaren kuavan(randoih tuvenke) käyttämine andau valdua alendua laittehen massan da srojindan hinnan, verraten vedovoimallizien plotinoin kel. Sentäh kuarien rinnal kuari-vedovoimallistu plotinua puaksumbah käytetäh vezitehniekoin azundois, kuduat ollah korgiembi migu 100 metrin.

Kuulužat ezimerkit

Kuari-vedovoimalline plotin on käytetty Guveran plotinal (Amerikan Yhdysvaldivot), kudai on nostettu 1930-luvus. Sajano-Šušinskaja vezivoimalu on nostettu kuari-vedovoimalline plotinan kuavan mugah 242 metrin korgevus, 111 metrin levevys da 1066 metrin piduhus harjas. Gu vien pindu ollou korgei sit vien paine vezisäilivön puoles nouzou 18 mil’l’onah tonnassah.

Muodoilan variantat

Paiči tämän plotinan lajin klassiillistu laitehtu on toizien plotinoin lajiloin variantua, kuduat ei ole kuari-vedovoimallizet, ga, vähimyölleh, käytetäh kuaren alguainehtu libo kuaren alguperiä, ezimerkikse:

• Vastusvoimalline plotin vezivoimalal «Manikuagan-5» Kanadas käytetäh vastusvoimallistu kuarellistu pystyoigieloi eriozat randusuojuksen laittehen lujitandah niškoi
• Muaplotin asfal’t-betonallizen diafragmanke Bogučanskoil vezivoimalal. Sil on viäry muodo dai se ozittain jagau gruuzindua kuaren alguperiän mugah

Kačo sežo

• Kuari-plotin
• Vedovoimalline plotin

Huomavukset

1. THE DAMS Grande Dixence S.A. :: Gravity dam, arch dam, embankment dam
2. АРОЧНО-ГРАВИТАЦИОННАЯ ПЛОТИНА Экологический словарь / Экология производства — научно-практический портал
3. «Гидротехнический шедевр. ГЭС Маникуаган-5», ОАО Русгидро, «Блог РусГидро»