Konoi Kyöttinen (20. tuhukuudu 18518. ligakuudu 1935) oli vienankarjalaine runonpajattai. [1][2]

Konoi Kyöttinen
Ammatti: runonlaulaja
Rodivui: 20. tuhukuudu 1851(1851-02-20)
kanzalližus:
Kuoli: 8. ligakuudu 1935(1935-10-08) (84 года)

Konoi Kyöttizen juuret ollah Rebol’an Omelien kyläspäi. Konoi Kyöttizen tuatto Simana Kyöttinen (1797-1886) tiezi äijän puhiedu da runuo. Niilöih häi opasti omua poiguagi. Konoi Kyöttinen nai Domina Jyrgizel. Heile oli kolmetostu lastu, kudualois kymmene kuoltih vie lapsinnu. Konoi Kyöttinen oli ruadai mies, hänen taloi oli parahii kyläs. Vienan Karjalas da Suomes häi oli tundiettu runonpajattai. Vie Konoi Kyöttinen maltoi parandua rahvastu. Häi pagei Suomeh, konzu vuonnu 1920 Tarton rauhansobimuksen mugah Rebol’an kylä siirdyi Nevvostoliitole. Suomes Konoi Kyöttinen eli poijan luo Lehmos. Hänen luo kävyi äijy rahvahanrunohuon keriäjiä. Lehmospäi Konoi Kyöttinen siirdyi elämäh pagolazien hoidolah Kyminlinnah. Händy kučuttih pajattamah runuo Helsinkih Kalevalan suandele vuozipäiväle omistetule pruazniekale, vaigu Konoi Kyöttinen pahoi voi da ei piässyh sinne. Vuonnu 1935 Kyöttinen kävyi pajattamah runuo Pajopruazniekale Sordavalah.

Konoi Kyöttinen kuoli sygyzyl vuonnu 1935 Kyminlinnan pagolazien hoidolas. Händy pandih muah Kyminlinnas. Konoi Kyöttizen poigu Pekka Kyöttinen Suomeh siirryttyy oli muanruadajannu. Häi eli Kontiolahten Lehmos. Vuvves 1915 vuodessah 1921 Pekka Kyöttinen oli Rebol’an nevvoston paginanvedäjänny. Vuonnu 1921häi oli Rebol’an iččenäžystoimikunnan paginanvedäjänny. Vuonnu 1920 Pekka Kyöttinen oli Karjalan edustajannu Kanzoinliiton kerähmöl, kuduadu piettih Ženevas.

  1. Kyöttiset Repolan runonlaulajasukua, repolainen 54 Repola-seura ry:n jäsentiedote 4/2010
  2. Pentti Keynäs : Hoi mama, meiän kylään tuli tsoltta! Henkilötietoja repolalaisista runonlaulajista, Karjalan heimo 9-10/1990