Kondupohjan muzei on Kondupohjan piirin muzei.

Kondupohjan muzei

Histourii kohenda

Kondupohjan muzei oli perustettu 28. kezäkuudu vuvvennu 1984.

Yhteistiijot kohenda

Kondupohjan muzei kerdou da ozuttau Kondupohjan piirin histouriedu. Muzeis ollah kui alallizet, mugai väliaigazet ozuttelut.

Kaikkiedah Kondupohjan piirin muzeis on läs 2 000 eksponuattua.

Muzein ozutteluzualat kohenda

Muzeis on kolme ozutteluzualuu alallizien ozutteluinke. Yksi alallizis ozuttelulois on ”Kui seppy Ilmoilline sulhaizikse kävyi”. Tämä ozuttelu on interaktiivine, sie suau kuulta ”iändy” da kaččuo videoloi. Iče ozuttelu kerdou lyydiläzien histouries, heijän eloksen tavois da perindölöis. Zualas ollah eriluaduzet brujat, ruadovehkehet, kalan pyvvändynevvot, kodivehkehet, kuožalit, astiet, da kai regi da aidu. On muzeis syömizien retseptukniigoi, sinne on kerätty lyydiläzis kirjutettuu ainehistuo. Täs zualas suau nähtä fotokuvua – vahnua da uuttu, kuduat ozutetah lyydiläzien nygösty da ennevahnastu elaigua. Kuvis suau nähtä lyydiläzien svuad’boigi.

 
Kui seppy Ilmoilline sulhaizikse kävyi -ozuttelu

Toine muzein zualu on ”Oniegantagazen piirin metallu da kivi”. Tämä ozuttelu ruadau vuvves 2009 da ozuttau Kondupohjan piirin metalluvehkehii. Niilöin joukos ollah puuškien jadrat, kello, huuhmar da petkel, vaskikopeikoin keräilemy da muudu rauduvehkehty. Sie on ozutettavannu Belogorskoin mruamoru. Se on valgei da sit mruamoras luajittih kolonnua da suveniirua, kudamii sežo suau nähtä Kondupohjan muzeis. Erähät niilöis ollah luajittu XX-vuozisuan lopus.

Muzein kolmandes zualas on Kondupohjan vezistansien da sel’l’ulouzu- da bumuagukombinuatan ”histourien vuitti”. Sie ei ole äijiä ozutteluezinehty Suuren Ižänmuallizen voinan periä. Yhtelläh siegi suau nähtä mieldykiinnittäjiä eksponuattua – 1940-luvun andilahan ruutat, čuajut gaziettukul’azes, sobien pezomuilu da fotoapparuattu. Paiči sidä muzeis on äijy vahnua dokumentua, fotokuvua, gaziettua da muudu vehkehty.

 
Kondupohjan fotokuvii

Faktat kohenda

Muzein huolenpivos on Uspenskoi kirikkö.

  • Kondupohjan muzeis vuvvennu 2015 kävyi 21339 hengie.
  • Muzeih kävyy 30% ulgomualastu da 70% Ven’an eläjiä.
  • Muzeih kävyi turistua Fransies, Germuanies, Suomes da Italiespäi.
  • Muzeil on 11 interaktiivistu urokkua.
  • Muzeis ruadau Maugry-programmu.
  • Kondupohjan muzei sijoittuu kolmes kolmepertihizes fatieras.

Adressi kohenda

Proletarskaja piha,13, Kondupohju, Karjalan tazavaldu, Ven'a, 186225. tel. 8 (814) 514-22-96