Kaššali

Kaššali on vahnu tuohine vehkeh kandamizih niškoi. Nägemäl kaššali on ku kanvertu libo tämän päivän reppu. Kaššalis on kaksi viilehtesty (”kandoremenii”). Enne karjalazet otettih kaššalii meččäh muarjah da gribah. Piettih sit kalua. Pandih sih evästy meččäh libo niityle mennes. Karjalazet luajittih kaššalit tuohes – koivun ulgokojas. Tuohi on luja, kebjei da helpoh suadavu materjualu.

Arbaitukset

Meččäh menöy – kodih kaččou, kodih tulou – meččäh kaččou. (kaššali)
Mies meččäh menöy sada silmiä selläs. (kaššali)

Frazeologizmat

Kačot ku lehmy uudeh kaššalih. (”kummeksijen”)
Kaššalipiä – sanotah ristikanzas, kudamas on suuri piä.
Kaššalivačču – sanotah ristikanzas, kudamal on suuri maha.