Jelizaveta Tomberg

Jelizaveta Stepanovna Tomberg (15.(28.) pakkaskuudu 1909 – 5. kylmykuudu 1988) nevvostolaine teatran akt’ouru, Nevvostoliiton rahvahan artistu (1959), Stalinan III astien palkindon laureattu (1950). Kanzua myöte oli inkeriläine.

Jelizaveta Tomberg
Ammatti:	актриса, poliitiekku
Rodivui:	15 (28) pakkaskuudu 1909
Roindukohtu:	Voyskorovo[d], Telmanovskoye rural settlement[d], Tusinan piiri[d], Leningradin alue[d]
kanzalližus:	Nevvostoliitto
Kuoli:	5. kylmykuudu 1988(1988-11-05) (79 года)
Kuolendukohtu:	Petroskoi, Venäjän sosialistinen federatiivinen neuvostotasavalta[d], Nevvostoliitto

Eloskerdu

Jelizaveta Tomberg rodivui Ižoran voulostin Voiskorovo-kyläh agronoman pereheh.

Vuvvennu 1931 häi loppi Suomelazen muatalovuon opiston R’abovos, ruadoi agronomannu R’abovan Trud-muatalovuskommuunas, harjaitti taidomieliruaduo.

Vuvves 1931 Tomberg oli Suomelazen druamuteatran artistannu Piiteris. Silaigua häi sai teatrualizen opastuksen Piiterin taidoalan ruadajien jatko-opastuksen instituutas. Vuvves 1940 Tomberg oli Suomelazen druamuteatran artistannu Petroskois.

Tomberg on psiholougizen teatran školan ezittäi. Häi oli vägevy omis roulilois da nerokas eri obrazois.

Tomberg oli Nevvostoliiton Korgeviman nevvoston VI kučundukerähmön deputuatannu (1962-1966).

On pandu muah Suolusmäen kalmužimale Petroskois.

Palkindot

• Tomberg on Karjal-Suomelazen nevvostotazavallan arvostettu artistu (1947)
• Ven’an federatiivizen nevvostotazavallan rahvahan artistu (1951)
• Nevvostoliiton rahvahan artistu (1959)
• Sai Stalinan III astien palkindon Elzan roulis E. Grinan Tuuli suvespäi - ozutelmas.
• Sai Ven’an federatiivizen nevvostotazavallan Stanislavskoin nimizen palkindon (1972) Malan’n’an roulis Antti Timozen Otatko miut, Karjalan mua? -ozutelmas.
• Kunnivoičuksen merki -ordenu
• Petroskoin kunnivoittu eläi (1973)
• Suomen akt’ouroin liiton kunnivoittu jäsen (1978)