Hormu

Hormu kaidulehtine (lat. Chamaenérion angustifolium libo lat. Epilóbium angustifolium) on monivuodine heinykazvi. Hormu kazvau Pohjazen muapuoliškon alovehel. Ven'al hormu kazvau muan jevruoppuozan havumečis da Sibiris. Hormu kazvau hiekkupaikoil, mečänreunas, kohtil, kus on kuattu meččy, pitkin raududorogoi da ojazii, jogi- da järvirannois sego peldolois ymbäri. Hormu kazvau 50-150 (harvah 200) santimetrin korgiekse. XX vuozisadassah Ven’an eri alovehis juadih hormučuajuu. Sidä suvaittih köyhät dai botahtat rahvasgi.