Wikipedii

Frédéric Chopin

Frédéric François Chopin (enne nimel Fryderyk Franciszek Chopin; 1. kevätkuudu 1810 Żelazowa Wola Pol'ša – 17. ligakuudu 1849 Pariižu Francii) oli pol'šalaine säveldäi da pianovirtuoužu. Chopin omaksui francienkielizen nimen muuttajes Pariižah 20-vuodehizennu.

Frédéric Chopin
Portriettu
Roindunimi:pol. Fryderyk Franciszek Chopin[1]
Ammatti:säveldäi, pianistu, musiikkipedagogi, Virtuoosi, muusikko, pedagogi
Rodivui:1. kevätkuudu 1810(1810-03-01)[2][3]
Roindukohtu:
kanzalližus:
Kuoli:17. ligakuudu 1849(1849-10-17)[7][8][9][10][11][12][13][14][15][16][17][18][19][20][21][4][22] (39 года)
Kuolendukohtu:
Tuatto:Nicolas Chopin[d][1][6]
Muamo:Tekla Justyna Chopin[d][1][6]
Ukko / akku:
Nimikirjutus:

Elos

kohenda

Chopin rodiihes Żelazowa Wolan kyläs n. 50 kilometua Varsovas päivänlaskuh. Hänen tuattah oli Pol'šah vuonnu 1787 muuttanuh francielaine da muamo pol'šálaine. Chopinua allettih verrata Mozartah hänen muuzikallizen nerokkuon täh. 7-vuodizennu häi oli säveldänyh kaksi poloniezua. Vuozinnu 1816-1822 häi sai pianon opastustu viulistu Vojtěch Živnýspäi (1756-1842), kuni opastujan nerot ylitettih opastajan nerot. Tämän jälles händy opasti Varsovan yliopiston professor Wilhelm Würfel. Sygyzyl 1826 häi algoi opastuo mm. säveldysty da muuzikanteoriedu säveldäi Józef Elsneran (1769–1854) opastettunnu.

 
Eugène Delacroix: Frédéric Chopin, 1838.

Vuvvennu 1829 Chopin meni Wienah da Dresdenah, kudualois sai hyvät arvostelut hänen ozuttelulois. Vuvvennu 1830 häi lähti myös Wienah da siepäi Münchenan kauti Pariižah, kus eli suuriman vuitin elostu.

Enziozuttelu Pariižas vuvvennu 1830 oli suuri menestys. Chopinas tuli terväh suozittu pianonopastai. Vuvvennu 1836 Chopin meni peitočči kihloih 17-vuodehizen pol'šalazen Maria Wodzińskan kel, no kihluandu peruttih terväh. Samannu vuvvennu säveldäi vastavui kirjailii Amandine-Aurore-Lucile Dupinan (1804–1876) kel, kudai parembi tunnetah peittonimel George Sand. Tavan mugah hyö vietettih talvet Pariižas da kezät Nohant-Vicas Keski-Francies, kus säveldäi sai valmehekse äijät hänen tevoksis.

 
Frédéric Chopinan kalmu.

Frédéric Chopin da George Sand piettih yhty ainos vuodeh 1847 sah, konzu hyö erottih. Tervehyöntilan pahetes Chopin sai ykskai vie säveldiä. Jälgimäzen tevoksen häi sai valmehekse vuvvennu 1849.

Chopin kuoli 17. ligakuudu vuvvennu 1849, da virrallizekse kuolinsyykse rodih tuberkuluožu. Runganavavukses lövvettih ližäkse merkilöi toizis kouhkoivoimattomuksis. Chopinal oli paha elävänny muahpannuokse rodiemizen foubii, da sendäh häi oli prižminyh hänen rungan avuandua, što se olis varmu ku häi toven oli kuolluh.

Chopin oli ližäkse toivonuh, ku hänen muanpaniezis ozutettas Wolfgang Amadeus Mozartan Requiem. Muahpaniezet, kuduat huavattih pidiä Madeleinen kirikös Pariižas, hätkestyttih läs kaksi nedälii, ku kirikkö ei allukse hyväksynyh tevokseh pidäjii naispajattajii kirikön horah. Jälgimäi kirikkö suostui. Chopin pandih muah Père-Lachaisen kalmoimuale, no hänen syväin on pandu muah Varsovan Pyhän Ristan kirikön kolonkah.

Chopinan mugah on nimetty asteroidu 3784 Chopin, pol'šalaine viinu Chopin, pol'šalazii purjehlaivoi dai Frederic Chopinan kanzoinväline lendoazemu.

Muuzikku

kohenda
 
Chopinan pačas, Żelazowa Wola, Pol'ša (Józef Gosławski, 1955/1969).

Chopin oli yksi harvois 1800-luvun säveldäjis, kudai ei ottanuh vaikuttehii Ludwig van Beethovenan muuzikas. Sen sijah hänen stiil'as nägyy Johann Sebastian Bachan vaikutus. Toizii hänen ezikuvii oldih Carl Maria von Weber, Johann Nepomuk Hummel, Jan Ladislav Dusík, John Field da Vincenzo Bellini. Ližäkse Chopin sai innoitustu pol'šalazes rahvahanmuuzikas.

 
Henri Rousseau, Chopinan pačas Luxembourgan puustos, 1909

Aihies muijal

kohenda

Lähtehet

kohenda
  • Bourniquel, Camille | Nimekeh= Chopin | Seliteh=Suomentanut Tuomi Elmgren-Heinonen | Vuozi =1960 | Ilmahpiästetty=Helsinki | Ilmahpiästäi=Oy Fazerin Musiikkikauppa}}
  • TDamschroder, David | Nimekeh= Harmony in Chopin | Ilmahpiästäi=Cambridge University Press | Ilmahpiästetty=Cambridge | Vuozi=2015 | Isbn=978-1-107-10857-8 }}
  1. ↑ 1,0 1,1 1,2 https://encyklopedia.pwn.pl/haslo/Chopin-Fryderyk-Franciszek;3885797.html
  2. ↑ Zamoyski A. [[::d:Q112065430|Chopin]] — 1979.
  3. ↑ https://www.chopin-society.org.uk/articles/chopin-birthday.htm
  4. ↑ 4,0 4,1 4,2 Archivio Storico Ricordi Проверено 3 декабря 2020.
  5. ↑ LIBRIS — Национальная библиотека Швеции, 2012. Проверено 24 августа 2018.
  6. ↑ 6,0 6,1 6,2 6,3 Каталог Немецкой национальной библиотеки Проверено 1 мая 2024.
  7. ↑ 7,0 7,1 Nationalbibliothek D., Berlin S. z., Staatsbibliothek B., Nationalbibliothek Ö. Record #118520539 Проверено 9 апреля 2014. Cituattuhaireh: Virheellinen <ref>-elementti; nimi ”Q36578” on määritetty usean kerran eri sisällöillä
  8. ↑ Bibliothèque nationale de France идентификатор BNF Проверено 10 октября 2015.
  9. ↑ SNAC Проверено 9 октября 2017.
  10. ↑ Internet Broadway Database Проверено 9 октября 2017.
  11. ↑ Cultural I. http://enciclopedia.itaucultural.org.br/ — São Paulo: Itaú Cultural. — ISBN 978-85-7979-060-7 Проверено 9 октября 2017.
  12. ↑ https://blog.britishnewspaperarchive.co.uk/2013/10/16/the-death-of-chopin-17-october-1849/
  13. ↑ Find a Grave Проверено 9 октября 2017.
  14. ↑ Discogs Проверено 9 октября 2017.
  15. ↑ filmportal.de Проверено 9 октября 2017.
  16. ↑ Энциклопедия Брокгауз Проверено 9 октября 2017.
  17. ↑ Gran Enciclopèdia Catalana — Grup Enciclopèdia.
  18. ↑ GeneaStar
  19. ↑ Roglo
  20. ↑ http://www.salzburg.com/wiki/
  21. ↑ Musicalics
  22. ↑ Архив изобразительного искусства Проверено 1 апреля 2021.
Lähteh - "https://olo.wikipedia.org/w/index.php?title=Frédéric_Chopin&oldid=45110"