Uuksunjogi (ven. Уксунйоки) on Luadogah laskii jogi Suojärven da Pitkyrannan piirilöis Karjalan tazavallan suviozas Ven'al. Jogi sijaiččou enne Suomeh kuulunnuol alovehel. Joven suu on n. 20 metrii levei.[1]

Uuksunjogi algua Kuikkajärves da laskou Luadogah, Uuksunlahteh.

Uuksunjogi lähtöy n. 3,5 kilometrua pitkäs Kuikkajärves endizen Soanlahten kunnan alovehel. Siepäi jogi virduau pienien jogiloin kauti kaakkoon. Tämän algupiän suurin koski on Ruhkankoski (178 metrii pitky, 1,5–2 metrii levei, 13 metrii korgei, 0,13 Megawattua).[2] Endizen Suistamon kunnan alovehen pohjasozas Uuksunjogeh laskou pohjazespäi Muuannonjogi, kudai tuou vetty Suurijärves da Muuannonjärves. Muuannonjoven laskukohtan jälles joves on moni koskii, kudamis suurin on Roikonkoski. Roikonkosken jälles jogi laskou Salmenjärveh (24,9 km² da 16 m syvä),[2] kuspäi viet virratah salmen kauti Uuksunjärveh, kudamah laskou ližäkse pohjazespäi Kartoinjogi.

Uuksunjärvespäi Uuksunjogi virduau ielleh kaakkoon, no kiändyy sit suveh. N. 20 kilometran jälles sih laskou pohjazespäi Sääksjärven reitti, kudai tuou vetty Kotajärvespäi, Ruokojärvespäi da Kivijärvespäi, Maitojärvespäi da Sääksjärvespäi, dai liidehespäi Loimolanjoven reitti (alajuoksun nimenny dai Pensasjogi).[2] Loimolanjoven yhtymäkohtan[3] jälles Uuksunjoves on moni koskii, kudamis suurimat ollah Jukokoski (250 m pitky, 4,4 m korgei, 0,66 MW), Sirnitsankoski (115 m pitky, 2,7 m korgei, 0,4 MW), Kivikulmankoski (320 m pitky, 5,1 m korgei, 0,76 MW), Ylä-Sahankoski (120 m pitky, 4 m korgei, 0,6 MW) da Uuksunkoski (4,8 m korgei, 0,72 MW).[2] Tämän jälles Uuksunjogi laskou endizen Salmin kunnan (nygözin Pitkyrannan) Uuksun kylän lähäl Luadogah Uuksunlahteh.

Suomen aijannu joven alajuoksun koskis oli kolme vezivoimalua da joven suul oli pieni sadama. Jogi oli dai tärgei uittotie.[1] Joves on sežo äijy majualoin luajittuloi patoloi, kudamat ollah typitty jovensuudu.[1]

Lähtehet kohenda

  1. 1,0 1,1 1,2 http://www.kareliaexpert.fi/main.site?action=siteupdate/view&id=334 Uuksunjoki. Karelia Expert Matkailupalvelu Oy. Viitattu 13.2.2008.
  2. 2,0 2,1 2,2 2,3 Rosberg J. E. et al (toim.) | Nimeke = Suomenmaa 5, Viipurin lääni. Tietosanakirja osakeyhtiö, Helsinki 1923.
  3. 61°37′49″ p. l. 31°54′10″ pn. p. / 61.6303861° p. l. 31.9029222° pn. p. / 61.6303861; 31.9029222 (G) (O) 20 km päivänlaskuh Kolatsellän kyläspäi