Ruskeala (mägiparku)

Ruskeala-kivipuusto (ven. Го́рный парк «Рускеа́ла») on turistukompleksu, kudai sijaiččou Karjalan tazavallan Sortavalan piiris. Tämän kompleksan merkičyksellizin kohtu on pohjuvezil täytetty mramorukarjeru.

Ruskeala - mramorukarjeru

Muantiedo kohenda

Turistukompleksu on 30 kilometris Sortavalas, Tohmajoen rannal.

Yhtehizet tiijot kohenda

Karjeran piduhus pohjazes suveh on 460 metrii, levevys on läs 100 metrii. Vien läbinägyvys on 15-18 metrii.

Vahnan karjeran seinis on äijy štol'nii da štrekua, kuduat ollah yhtistetty hoduloil. Suuren Ižänmuallizen voinan jälles karjeru oli upotettu. Sie on säilynyh zavodan hallinon taloi, kudai on luajittu pienis mramorukirpičois.

 
Ruskeala talvel

Histourii kohenda

Kivilouhimot, kuduadu löydi ekonoumiellizen seuran ozanottai Samuil Alopeus, allettih kaivamah vuvvennu 1765, Ekaterina II aigah. Enzimästy kaivamistu ohjai Andrei Pil'ugin.

Ruskealas louhitah nelli väriä mramorua — harmuadu, harmai-vihandua, valgiedu harmualoin täblienke da valgei-sinine-harmuadu. Täs ruavos ruadoi läs 500 paikallistu eläjiä.

Ruskealan mramorua käytettih, konzu srojittih Piiterin huonuksii da dvorčii. Sil on piälystetty Isaakijevskoin kirikön seinät, on luajittu Kazanskoin kirikön latet, on tehty Ermituažan ikkunpielizet. Vie Ruskealan mramorua suau nähtä Mramoran dvorčas da Mihailovskoin zamkas. XX vuozisuan keskel Piiterin metron Primorskaja- da Ladožskaja-stantsien muanalaziet zualat sežo luajittih Ruskealan mramoras.

Sil aigua, konzu srojittih Isaakijevskoin kirikkyö, vuozinnu 1818-1959, Ruskealah kävi arhitektoru Ogyst Monferran.

Vuozinnu 1939-1947 karjeru ei toiminnuh. Ruado mramoru-izv'oskan zavodal oli jatkettu vuvvennu 1947 da kestiy 1990-luvuh sah. Sil aigua louhitäh vähä mramorua, mramorua izv'oskah näh da kivimurendeheh näh.

Vuvves 1998 mramoran piäkarjeru on otettu valdivovardoičukseh.

Vuvvennu 1999 karjeru oli otettu turistumatkah "Taivahankarvaine dorogu".

 
Ruskeala

Faktat kohenda

Vuvvennu 2010 Ruskealas snimaitih T'omnii mir -fil'mua («Тёмный мир»).

Linkit kohenda

https://web.archive.org/web/20161111205503/http://ruskeala.info/ru

http://kezling.ru/travels/northern-ladoga-4/

http://monuments.karelia.ru/napravlenija-dejatel-nosti/populjarizacija/est-takoj-pamjatnik/kar-er-mramornyh-lomok-v-pos-ruskeala/