Petroskoin valdivonyliopisto

Petroskoin valdivonyliopisto (ven. Петрозаводский государственный университет) (vuodessah 1956 sen nimi oli Karjalas-suomelaine valdivonyliopisto) on vuvvennu 1940 perustettu yliopisto Karjalan tazavallas Petroskois. Vuvvennu 2017 yliopisto sai tugiyliopiston stuatusan. Vuvven 2014 tiedoloin mugah yliopistos opastuu 11231 opastujua, ruadau piäl 1000 tiedomiesty da opastajua.

Petroskoin valdivonyliopisto
Perustamizen paivymiäry	1940
Virralline nimi	ven. Карело-Финский государственный университет ven. Петрозаводский государственный университет имени О. В. Куусинена ven. Петрозаводский государственный университет
Nimen alkuperä	Otto Kuusinen
Rehtori	Anatoly Voronin[d]
Valdivo	Ven'a
Haldivollispaikalline miäry	Petroskoi
Katto-organisaatio	Ministry of Science and Higher Education[d]
Pääkonttorin sijainti	Petroskoi
Korvasi	Karelian State Pedagogical Academy[d]
IPv4 routing prefix	195.209.248.0/23
Virralline kodisivu	petrsu.ru
Luokka organisaation työntekijöille	Q7996701?
Mediafailat Wikiskluavul

Petroskoin valdivonyliopisto

Vuvven 2017 allus yliopistos on olluh 11 instituuttua:

• luonnontiijon, ekolougien da muaruavontehnolougieloin instituuttu;
• vierahien kielien instituuttu;
• informuatiekan da tiedotehnolougieloin instituuttu;
• histourien, poliitiekku- da yhteiskundutiedoloin instituuttu;
• meččy-, mägiruado- da rakendusalaninstituuttu;
• pedagougiekan da psiholougien instituuttu;
• voimistelu-, sportu- da matkailuinstituuttu;
• filolougien instituuttu;
• talovus- da oigevustiedoloin instituuttu;
• liečetiijolline instituuttu;
• fiiziekan da tehniekan instituuttu.

Yliopistos on 67 laitostu. Petroskoin valdivonyliopistos on 40 tutkimuksien da uuzien tehnolougieloin keskustu, biznes-inkubuattoru, tehnoparku, oma ilmoihpiästämö, kazvitiedosadu, Onego-uinduallikko, tiedokirjasto. Yliopisto sijoittuu kaheksah rakendukseh, kuduat ollah eri linnan ozis. Petroskoin valdivonyliopistol on 77 rahvahienvälisty sobimustu 23 muanke, kudualoih kuulutah Suomi, Ruočči, Norviegii, Francii, Germuanii, Portugalii, Anglii, Amierikan Yhtysvallat, Kanuadu, Bel’gii, Korea, Baltiekkumeren muat da muut. Joga vuottu yliopisto ottau vastah läs 200 vierastu opastujua, da läs 250 Petroskoin valdivonyliopiston opastujua da opastajua opastuu da harjaittelou rajan tagua. Petroskoin yliopisto kannattau opastujua: se andau tervehyönkaičuksen, den’guavun. Opastujat voijah parandua tervehytty profilaktouries, kävvä huogavumah Mustanmeren rannale, Karjalan sanatourieloih, Urozero-tervehyönhoidokeskukseh da Šotjärvi (ven. Šotozero)- sportu- da tervehyönhoidoluagerih.