Kendärvi

Kendärvi (ven. Кончезеро, suom. Kentjärvi) on kylä Kondupohjan piiris Karjalan tazavallas Ven'al. Se on Kendjärven kyläkunnan haldivolline keskus. Kylä sijoittuu samannimizen järven da Pertjärven välis. Kendjärvespäi Petroskoissah on 50 km, Kondupohjassah on 25 km.

Kylä Kendärvi ven. Кончезеро Mua Ven'aVen'a Koordinuatat 62°07′36″ p. l. 34°01′00″ pn. p.62.12667° p. l. 34.01667° pn. p. / 62.12667; 34.01667    enzimäinen mainičendu 1563 Rahvastu 1501 hengie Poštuindeksat 186202 Ozuta/peitä kartoi

Histourii

Vuvvennu 1706 kyläs rakendettih Kendjärven čugunzavodu. Rudua kaivettih järvispäi da suoloispäi, a čugunua tuodih XIX vuozisuan puolivälissäh viel Petroskoih. Myöhembäh sidä ruvettih tuomah mual, tavan mugah talvel. Zavodu ruadoi vuodessah 1905.

Vuvvennu 1929 professor Borodin I.P. perusti biolougiistansien, kudai ruadau nygöigi.

Kendjärven rahvahan lugumiäry

2009	2010	2013
1692	↘1595	↘1501

Yhteiskunnalline ymbäristö

Kylän koit (80%) ollah kunnostettuloi. On olemas kirpičču- da puukodiloi.

Kyläs ruadau lapsienpäivykodi, Kendjärven keskiškola, Kendjärven kyläkunnan Kul’tuuran da joudoaijan keskus, kylän kirjasto.

Uskondo

Kylän keskukses on Sroičankirikkö (ven. Троицкая церковь). Se on kirpiččukirikkö kellojalloinke. Se rakendettih vuozinnu 1865 – 1866 zavodan rahvahale.