Aberteifi (angliekse Cardigan) on pikkaraine linnu Kymrinmuas Ceredigionan muakunnas lähäl Sir Benfron muakunnan rajua. Se on Aberystwythan linnan jälgeh Ceredigionan toizekse suurin linnu. Vuvvel 2011 linnas oli 4184 eläjiä da 54,6% heis pagizi kymrikse.

Aberteifi on azuttu Afon Teifi -joven suuh Bae Ceredigion -lahten rannale, mi nägyy linnan kymrinkielizes nimesgi, kudamas sana aber merkiččöy jovensuudu libo kohtua, kus jogi laskou mereh. Linnu azuttih 1000-luvun lopus, konzu allettih Aberteifin linnoituksen srojindu. Vuvvel 1176 linnoitukses piettih istourien ezmäine Eisteddfod-pruazniekku, kudai on myöhembi roinnuh tärgiekse kymrinkielizen kul'tuuran simvolakse da levinnyh ymbäri Kymrinmuadu.