Sivun "Japounii" versielöin eroloi

'''Japounii''' ({{K-ja|日本}} ''Nihon'' libo ''Nippon'', virallizesti 日本国, ''Nihon koku'' libo ''Nippon koku'') on [[suarivaldivo]] [[Tyynimeri|Tyynesmeres]] [[Päivännouzupuoline Aazii|Päivännouzupuolizes Aazies]]. Se sijaiččou [[Kitai]]n, [[Korean niemimua]]n, [[Japounienmeri|Japounienmeren]] da [[Ven'an Federatsii|Ven'an]] päivännouzupuolel, ulottujen pohjazes [[Ohotanmeri|Ohotanmerelpäi]] suveh [[Päivännouzu-Kitain meri|Päivännouzu-Kitain merele]]. Muan nimes olijat [[Kanji|kirjutusmerkit]] tarkoitetah ”päiväzen juurdu” libo ”päiväzen nouzemua”, sendäh Japouniedu kučutah toiči ”nouzijan päiväzen muakse”. Japounien piälinnu da suurin azutuskeskus on [[Tokio]]. Japounien keisari on [[Naruhito]].

Japounieh kuuluu yli 3000 suardu,<ref>日本列島, http://dic.yahoo.co.jp/dsearch?enc, Yahoo Japan Dictionary, 17. oraskuudu 2007</ref> kudamis suurembat ollah [[Honshū]], [[Hokkaidō]], [[Kyūshū]] da [[Shikoku]]. Suurin oza suaris on vuoristosuardu da äijät vie tuliperäzii; ezimerkikse Japunien korgevin vuorenhuippu [[Fuji (vuori)|Fuji]] on tulivuori. Muan eläimiäry on muailman kymmenennekse suurin, piäle 127 miljonua hengie. [[Suur-Tokio]]n aloveh on muailman suurin [[metropoliialoveh]] piäl 30 miljounan hengen. Japounies paistah [[Japounien kieli|japounien kieldy]].