Sivun "Zinaida Dubinina" versielöin eroloi

Karjalan tundiettu runoniekku
Syväindö on otettu iäre Syväindö on ližätty
Ak: Uusi sivu: '''Zinaida Timofejevna Dubinina''' on Karjalan tundiettu runoniekku, kirjuttai, kiändäi. Zinaida Dubinina on rodinuhes 2. elokuudu vuonnu 1934 Anuksen piirin Lumatjärven hierus....
(Ei ole nimittumii eroloi)

Versii 7. Elokuuta 2019 kello 00.16

Zinaida Timofejevna Dubinina on Karjalan tundiettu runoniekku, kirjuttai, kiändäi. Zinaida Dubinina on rodinuhes 2. elokuudu vuonnu 1934 Anuksen piirin Lumatjärven hierus. Zinaida Timofejevna kirjuttau runuo da prouzua livvikse. Hänen suurimii kiännösruadoloi ollah Bublii lapsile, Uuzi sana, Psaltiri da Kalevala-eepossu. Zinaida Dubinina kazvoi karjalazes perehes. Hänen tuatto kuadui Suurel Ižänmuallizel voinal. Muamo lapsienke oli evakuacies Urualal. Voinan loppiettuu hyö tuldih järilleh Karjalah, vähäzen elettih Lumatjärves, sit tuldih elämäh Kotkatjärveh. Siepäi školan jälles Zinaida Dubinina lähti Petroskoile opastumah pedagouguopistoh. Opastundan jälles häi ruadoi algukluasoin opastajannu Uutjärven školas. Sit tuli ruadoh Kotkatjärveh, kus penziessäh opasti lapsii suomen da karjalan kieleh. Vuonnu 1989 Oma mua –lehteh oli painettu Zinaida Dubininan enzimäine runo livvikse. Vuonnu 1991 Zinaida Timofejevna rubei ruadamah yhtes Biblien kiännösinstituutanke (Helsinki). Häi kiändi livvikse Uvven sanan, Psaltirin da Biblien lapsile. Täs ruavos Zinaida Dubinina sai palkindon Ven’an pravoslavnois kiriköspäi. Vuvves 2006 Zinaida Dubinina kuuluu Ven’an kirjuttajien liittoh. Vuonnu 2009 häi sai Vladimir Brendojevan nimizen literatuurupalkindon.