Sivun "Anna Usova" versielöin eroloi

'''Anna Usova''' rodivui 18. oraskuudu vuvvennu 1970 Videlen kyläs, Anuksen piiris, Karjalan tazavallas, Ven'al. Loppi Videlen keskiskolan da Petroskoin valdivonyliopiston. Anna on Karjalan raadivozurnalistu vuvves 1991. Häi joga nedälii pidäy literatuuru-ohjelmoi karjalan kielel. Hänen avul raadivon kuundelijat tiijustetah, mittumii karjalan, suomen da vepsänkielizii kaunehkirjutuksii oli painettu jälgiaigua. Ice häi on hyväsydämelline naine, hyvin da ystävellizesti vastavuu kirjuttajien kel, kuduat puaksuh lugietah omii kerdomuksii da runoloi da sanellah omas ices. Anna on nuori kirjuttai, häi kirjuttau runoloi da kerdomuksii karjalan kielel. Hänen kerdomukset voitettih eri kilvois. Naine on kirjutannuh hyvii runoloi roindu Videlen-kyläh näh da eri rahavahien elkses . Vuonnu 2018 ilmoile piäzi enzimäine kirjuttajan runo da proozukniigu " Lyhyt san oza". Se on tarkoitettu lugiettavakse lapsile da aiguizilegi. Lugijat löytäh kniigas karjalankielizii pajoloigi . Kirjuttajan runoloi painetah "Taival" almanakas da "Oma mua" lehtes.