Sivun "Ninnettäi" versielöin eroloi
Syväindö on otettu iäre Syväindö on ližätty
Created page with "'''Ninnettäi''' (suom. ''Niisku'', ruoč. ''Snorken'') on figuuru suomenruoččilazen taidoilijan Tove Janssonan kuvittehellizes muumiperehes kerdojis..." |
pEi ole yhtehveduo kohendukses |
||
Rivi 1:
'''Ninnettäi''' (suom. ''Niisku'', ruoč. ''Snorken'') on figuuru suomenruoččilazen taidoilijan [[Tove Jansson|Tove Janssonan]] kuvittehellizes muumiperehes kerdojis [[Muumi|Muumi]]-kniigois. Ninnettäi on sežo myödäi Japounies 90-luvul luajitus animaciisarjas ''Muuminotkon starinoi'' (suomekse ''Muumilaakson tarinoita''), kudai pohjavuu Tove Janssonan kniigoih da Tove da [[Lars Jansson|Lars Janssonan]] Muumi-sarjukoomiksoih. Sarjukoomiksupiirdäi da kirjuttai Lars Jansson oli Tove Janssonan velli.
Ninnettäi on myödäi vaiku kahtes kniigas: [[Muumipeigoi da händytiähti|''Muumipeigoi da händytiähti'']] da [[Tiedoiniekan hattu|''Tiedoiniekan hattu'']] -kniigois. Animaciisarjas häi ei ole piäfiguuroi ga on myödäi äijy enämbi, migu Janssonan tevoksis. Kniigois Ninnettäi on tavalline lapsi, ga animaciisarjas häi on keksii da tiedomies.
Ninnettäjän sizär on [[Ninnineidoi|Ninnineidoi]], kudai on Muumi-kniigoin piäfiguuran [[Muumipeigoi|Muumipeigoin]] mielespietty. Paiči Ninnineidoin vellie, ninnettäi-nimel kučutah myös kogo ninnettäjien lajii. Alguperäzis Tove Janssonan Muumi-kniigois kerrotah, ku ninnettäjät ollah lähästy suguu muumiloile. Kniigois ninnettäjät vaihtetah värii tundoloin mugah.
Tove da Lars Janssonan resunkois Ninnettäi on samannägöine, gu Muumipeigoi. Muumipeigoi da händytiähti -kniigas Muumipeigoin dovariššu [[Muikkuine|Muikkuine]] tottu mainiččou, ku Ninnettäi on valpahanfiolietovoi da Muumipeigoi valgei. Erähäs Tove Janssonan piirretys värillizes kanzikuvas Muumipeigoi, Ninnettäi da Ninnineidoi kai ollah valgeidu. Tiedoiniekan hattu -kniigas on kuva, kudamas Ninnettäjäl on parikku piäs, ku häi on sud’d’annu Mörrön suudoistundos. ”Muuminotkon starinois” Ninnettäjäl on očkat da oččutukku.
== Ninnettäi
Animaciisarjas Ninnettäi puaksuh kuvatah ylbiekse da kaikentiedäjäkse. Häi keksiy ainos dieloloi, kudamat ollah Muuminotkol harvinazii. Ninnettäjän tärgevimbii projektoi oldih kaksi ilmulaivua, kudamii häi luadi omas masterskois.
| |||