'''Muumi''' (''mumin'') on suomenruoččilazen kirjuttajan da taidoilijan [[Tove Jansson|Tove Janssonan]] luajittu suarnuolendoloin laji. TunnetuimbiiTundietuimbii muumihahmoloi on [[Muumipeigoi|Muumipeigoi]], kudai eläy omassah huolettoman da šeikkailunhimozen muumiperehen kel Muumitalois Muuminotkos. Jansson kirjutti ruočin kielel äijiimondu Muumi-kirjoikirjua. Kaikes suomelazes lapsienkirjalližuos niilöi ylen äijäl suvaijah da kiännetäh. Muumi-kirjoi on kiännetty 43 eri kielele, da niilöin pohjalpäi on luajittu kui kirjoi da [[Sarjukoomiksu|sarjukoomiksoi]], mugai [[Mul’tfil’u|mul’tfil’mua]], interaktiivistu kirjua, äijiimondu [[Ozutelmu|ozutelmiiozutelmua]] dai [[Ouperu|ouperu]]. Muumiloin nouzendah muailmankuulužuoh äijän vaikutettih sežo Tove da Lars Janssonan Muumi-sarjukoomiksat, kudamii jullattih vuvves 1954 ezmäi ''The Evening News'' -gazietas Londonas da myöhembäh 40 muas 20 miljounale lugijale. Ylen kannatetut muumit ollah [[Japounii|Japounies]].
Paiči kirjutandua, Tove Jansson sežokirjutti dai čomendi kuvil omassah kirjat. Muumit viestitäh harmouniedu. Hos muumimuailmu tavallizesti ongi turvalline, ga sen eläjil toiči rodieu hos midä mugahtembuajua, kudamah näh maksau sanelta. Enzimäine Muumi-tevos oli vuvvennu 1945 ilmah piässyh ''Småtrollen och den stora översvämningen'' (”Muumit da suuri viennouzu”, ei kiännetty karjalakse).
