Eivissa on Baleuaroin suarijoukon kolmandekse suurin da kaikkii päivänlaskumbi suari Välimeres. Suarien alguperäine kieli on kataluanu, ga vuvvel 2011 Eivissan eläjis vai 44 % maltoi kieldy.[1] Täh vaikuttau muijalpäi muuttanuzien suuri miäry. Vuvvel 2014 Eivissan eläjis jo 60 % oli rodinuhes suaren ulgopuolel. Enimbistö suaren alguperäzes rahvahas yksikai pagizou kataluanua muamankielenny i on merkilöi sih näh, ku kielen siirdymine uuzile sugupolvile olis daže kazvamah päi: vuvvel 2014 suaren eläjis 25,8 % saneli, ku pagizou kataluanua omien vahnembien kel – ga jo 27,3 % omien lapsien kel.[2] Suarel on kaksi virrallistu kieldy: kataluanu da ispuanii. Zakonan mugah kaikkiel Baleuaroil ainavot virrallizet kohtannimet ollah kataluanakse da nenga Eivissangi virralline nimi on kataluanua.[3][4] Ebävirrallizesti se tundietah sežo ispuanienkielizel nimel Ibiza.

Lähtiet kohenda

  1. https://www.racocatala.cat/noticia/25631/disminueix-nombre-parlants-catala-illes-balears
  2. https://www.diariodeibiza.es/opinion/2017/08/31/recuperar-lus-normal-catala-eivissa/937297.html
  3. https://notib.recerca.iec.cat/el-marc-juridic-actual-a-les-illes-balears
  4. https://www.diariodeibiza.es/pitiuses-balears/2018/03/26/google-desfigura-toponimia/978195.html